“Хэрэглэгчийн эрхийг дээдэлье” сарын аяны хүрээнд сумын Засаг даргын Тамгын газар, Эрүүл мэндийн төв, Хэрэглэгчийн эрхийг хамгаалах салбар хорооноос хамтарсан ажлын хэсэг сумын төвд үйл ажиллагаа явуулж буй 9 худалдааны төв, дэлгүүрүүдэд хяналт, шалгалтын ажил зохион байгууллаа.

Уг үйл ажиллагааны хүрээнд:

• Дэлгүүр, худалдааны төвүүдийн е-баримт олголт;
• Хүнсний бүтээгдэхүүний хадгалах хугацаа, хадгалалтын горим;
• Архи, тамхины тусгай зөвшөөрлийн хугацааг шалгалаа.

Шалгалтын явцад нийт 51 нэр төрлийн 324 хүнсний бүтээгдэхүүний хугацаа нь дууссан нь тогтоогдсон тул буцаалт хийх болон устгах хугацаатай үүрэг өгч ажиллалаа.

Хэрэглэгч та бүхэн худалдан авалт хийхдээ бүтээгдэхүүний хадгалалтын горим алдагдсан эсэх, хадгалах хугацаа нь дууссан эсэхийг сайтар шалгаж худалдан авалт хийхийг зөвлөж байна.

ТАНЫ ЭРҮҮЛ МЭНД-ТАНЫ СОНГОЛТООС