Тамирчин сурагчид Жаргалант сумын сургуулийн нээлтэд үзүүлбэрээ толилуулжээ

Монгол Улсын Ерөнхийлөгчийн ивээл дор Зэвсэгт хүчний Сургалтын нэгдсэн төвд  зохион байгуулагдсан Батлан хамгаалахын сайдын нэрэмжит улсын аварга шалгаруулах “Дөл-2022” цэрэг-спортын цогцолбор тэмцээнд Баянхонгор аймгийн ЗДТГ-ын Цэргийн штабын дарга, хурандаа Г.Нэмэхбаяраар ахлуулсан тамирчин сурагчид 21 аймаг, нийслэлийн 9 дүүргийн баг тамирчидтай хурд хүч, авхаалж самбаагаа сорин өрсөлдлөө.

Тодруулбал, “Дөл” цэрэг-спортын тэмцээнийг аймагт хоёр үе шаттайгаар зохион байгуулж, шилдгээр тодорсон Жаргалант, Бууцагаан сумын сумын сурагчдаас бүрдсэн баг 8 дугаар сарын 1-ний өдрөөс Зэвсэгт хүчний 339 дүгээр ангид байрлаж, гардан тулаан, жагсаалын үзүүлэх тоглолт, бусад норматив дасгалуудыг гүйцэтгэхэд тусгайлсан  бэлтгэл хангажээ.

Тамирчин сурагчид ийнхүү  суралцсан ур чадвараа энэ онд 80 жилийн түүхт ой нь  тохиож буй Жаргалант сумын хичээлийн шинэ жилийн нээлтийг үеэр багш, сурган хүмүүжүүлэгч, эцэг эх сурагчдад толилуулсан байна.

2022-08-25 12:00:00